ពលរដ្ឋកំពុងរង់ចាំមើលស្នាដៃអភិបាលខណ្ឌថ្មី ក្នុងទឹកដីឫស្សីកែវ ក្រោយអភិបាលក្រុងណែនាំឲ្យទប់ស្កាត់ឱ្យបាននូវការចូលមកវិញនូវបែត្រី នៅតាមដងទន្លេសាប

សង្គម

ហ្វឺសញូសអាស៊ី

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដោយទទួលបានការអនុញ្ញាតពីលោក​ ឯក​ ឃុនដឿន​ អភិបាល​ នៃគណៈអភិបាលខណ្ឌឫស្សីកែវ​ នៅថ្ងៃទី៣១ ខែសីហា ឆ្នាំ២០២១ លោក លឹម សាម៉ឺឌី ប្រធានការិយាល័យនីតិកម្មខណ្ឌ និងលោក គន់ សោភា ប្រធានការិយាល័យសាធារណការខណ្ឌ (ជាតំណាងលោក ប្រាជ្ញ សីហា អភិបាលរងខណ្ឌ និងជាប្រធានក្រុមការងារ) បានដឹកនាំក្រុមការងារចម្រុះខណ្ឌ ចុះត្រួតពិនិត្យលិខិតអនុញ្ញាតអាជីវកម្មឡូតិ៍នេសាទត្រី(ដាយត្រី) ចំនួន ១៦ដាយត្រី ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដែលទីតាំងខាងលើនេះគឺស្ថិតក្នុងមូលដ្ឋានខណ្ឌឬស្សីកែវ រាជធានីភ្នំពេញ ជាលទ្ធផលក្នុងនោះ៖ -មានលិខិតអនុញ្ញាត ចំនួន ១០ដាយត្រី -មានកំណត់ហេតុទទួលបានឡូតិ៍នេសាទពីការដេញថ្លៃ ចំនួន ០៣ដាយត្រី (ប៉ុន្តែពុំទាន់ចេញលិខិតអនុញ្ញាត)

-ពុំមានលិខិតអនុញ្ញាត ចំនួន ០៣ដាយត្រី (កំពុងរង់ចាំការដេញថ្លៃ នៅសប្តាហ៍ក្រោយ) ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សូមជម្រាបជូនថា ​កាលពីរសៀលថ្ងៃទី៣០ ខែសីហា​​ ឆ្នាំ២០២១​​ លោក​ លឹម​ សាម៉ឺឌី​ ប្រធានការិយាល័យនីតិកម្មខណ្ឌ​ និងលោក​ គន់​ សោភា​ ប្រធានការិយាល័យសាធារណការខណ្ឌ​ (ជាតំណាងលោក​ ប្រាជ្ញ​ សីហា​ អភិបាលរងខណ្ឌ​ និងជាប្រធានក្រុមការងារ)​​ បានដឹកនាំក្រុមការងារចម្រុះខណ្ឌ​ ចុះណែនាំប្រជាពលរដ្ឋម្ចាស់ដាយត្រី​ (ឡូតិ៍នេសាទ)​ ចំនួន​ ១៥ដាយត្រី​ និង​បែរចិញ្ចឹមត្រីចំនួន​ ០៤​បែរ​ ឲ្យធ្វេីការចល័តចេញពីមូលដ្ឋានខណ្ឌឫស្សីកែវ​ ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​តាមស្ថានភាពជាក់ស្តែងឃេីញថា​ ពួកគាត់កំពុងរៀបចំ​ទូកអូស​ និងដកខ្សែយុថ្កា ដេីម្បីធ្វេីការចល័តចេញ​ ហេីយសន្យាជាមួយក្រុមការងារថា​ នឹងចល័តចេញនៅព្រឹកស្អែក​ ។

ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ កាលពីព្រឹកថ្ងៃទី២៧ ខែសីហា ឆ្នាំ២០២១ ក្នុងពិធីប្រកាសចូលកាន់តំណែងក៏បានជំរុញឱ្យអាជ្ញាធរខណ្ឌឫស្សីកែវ ពិសេស លោក ឯក ឃុនដឿន អភិបាល នៃគណៈអភិបាលខណ្ឌឫស្សីកែវ ដែលត្រូវបានផ្ទេរតំណែង ត្រូវខិតខំបំពេញការងាររបស់ខ្លួនឱ្យបានល្អប្រសើរ ពិសេសទប់ស្កាត់ឱ្យបាននូវការចូលមកវិញនូវបែត្រី នៅតាមដងទន្លេសាប ក្រោយគណៈបញ្ជាការឯកភាពរាជធានីភ្នំពេញបានរៀបចំឱ្យមានសណ្ដាប់ធ្នាប់ល្អប្រសើរហើយនោះ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រូបភាព៖ រដ្ឋបាលខណ្ឌឬស្សីកែវ

@FirstNewsAsia