ចាកឆ្ងាយពីគ្រួសារ ស្រវាវិជ្ជាដល់ប្រទេសចិន តែបែរជាបាត់បង់ជីវិតនៅស្រុកគេយ៉ាងនេះវិញ ទើបឆាតជាមួយគ្នា៦ថ្ងៃមុនសោះ (មិត្តភក្តិប្រាប់ពីប្រវត្តិសិស្សពូកែនេះ អានហើយក្តុកត្ដួលណាស់)

សង្គម

ហ្វឺសញូសអាស៊ី

នៅល្ងាចថ្ងៃទី ១៣ ខែកញ្ញា ឆ្នាំ២០២១នេះ សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន បានផ្ញើសាររំលែកទុក្ខ ចំពោះម.រ.ណ.ភាពរបស់ កញ្ញា គួច ជា ដារីកា ដែលជានិស្សិតថ្នាក់បរិញ្ញាបត្រ សិក្សានៅសាកលវិទ្យាល័យធានជីង ទីក្រុងធានជីង ប្រទេសចិនដែលបានទទួលអ.និ.ច្ច.កម្ម ថ្ងៃទី១៣ ខែកញ្ញា ឆ្នាំ២០២១ ត្រូវនឹងនៅថ្ងៃចន្ទ ៧កើតខែភទ្របទ ឆ្នាំឆ្លូវ ត្រីស័ក ព.ស ២៥៦៥ វេលាម៉ោង ៤៖៤០ នាទីព្រឹក នៅក្នុងជន្មាយុ ២២ឆ្នាំ ដោយរោ.គា.ពា.ធ ។

សូមឧទ្ទិសបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក និងទេព្តាទាំងមួយម៉ឺនលោកធាតុ តេជៈបារមី នៃព្រះពុទ្ធ ព្រះធម៌ ព្រះសង្ឃ សូមតាមជួយបីបាច់ថែរក្សាដល់ដួងវិញ្ញាណក្ខន្ធ កញ្ញា គួច ជា ដារីកា ទៅកាន់សុគតិភពកុំបីឃ្លៀងឃ្លាតឡើយ។

ជាមួយគ្នានេះដែរមិត្តភក្តិដែលរៀនជាមួយគ្នាកញ្ញា ដារីកាបានរៀបរាប់ឲ្យដឹងថា៖

រីកា ខ្ញុំទទួលយកអត់បានទេ ! រីកាជាមនុស្សទី២ ដែលខ្ញុំស្គាល់តាំងពីថ្ងៃដំបូងដែលខ្ញុំឈានជើងចូលសាលាតិចណូដំបូងបង្អស់ កាលពីជាង៤ឆ្នាំមុន ! រីកាជាសិស្ស និងជានិស្សិតដ៏ពូកែបំផុតម្នាក់ ព្រោះរីកាទទួលបាននិទ្ទេស B ដែលខ្វះតែបន្តិចបាននិទ្ទេស A ហើយរីកាក៏ទទួលបានអាហារូបករណ៍តិចណូផងដែរ !

ចាំអត់ រីកាថាចង់ដាក់ពាក្យទៅក្រៅប្រទេស ខំបបួលខ្ញុំជិះម៉ូតូទៅទិញពាក្យអាហារូបករណ៍ទៅសាធារណៈរដ្ឋប្រជាមាណិតចិនជាមួយគ្នា រហូតដល់រីកាប្រឡងជាប់បានទៅរៀននៅចុងដំណាច់ឆ្នាំទី ១ ! ខ្ញុំបានដាក់រហ័សនាមឲ្យរីកាថា «កញ្ញាម៉ាស់» ព្រោះតាំងពីចូលរៀនមក រីកាមិនដែលដោះម៉ាស់ទាល់តែសោះ ទាល់តែពេលហូបបាយបានដោះចេញ ហើយរីកាកម្រញាំនៅកង់ទីនណាស់ ឧស្សាហ៍ធ្វើម្ហូប និងខ្ចប់បាយពីផ្ទះមកហូប ដើម្បីជាការសន្សំសំចៃផង !

រីកាជាមនុស្សដែលរួសរាយ សំឡេងលឺៗច្បាស់ៗ ល្អិតល្អន់ និងចូលចិត្តចែករំលែកបំផុតមួយក្នុងថ្នាក់ ហើយរីការៀនពូកែភាសាបារាំងណាស់ ធ្លាប់ប្រាប់ខ្ញុំថា រីកាប្រឡងបានដល់កម្រិត Niveau B2 តាំងតែពីនៅកម្រិតវិទ្យាល័យ ! រីកាប្រាប់ថា រីកាចូលចិត្តអានសៀវភៅព្រោះផ្ទះរីកាលក់សៀវភៅស្រាប់ !

រីកាមិនដែលត្អូញទេ ពីការរៀនហត់នៅតិចណូ មានតែការខំប្រឹងប្រែង រហូតដល់បានលេខល្អនៅឆ្នាំទី១ មុននឹងចាកចេញទៅរៀនបន្តនៅប្រទេសចិន ! អនុស្សាវរីយ៍ដែលខ្ញុំចងចាំជានិច្ចជាមួយរីកាចុងក្រោយមិនភ្លេច គឺរីកាបបួលខ្ញុំទៅទិញរបស់របរនៅ Miniso នៅជិតវិមានឯករាជ្យមុននឹងរីកាចាកចេញទៅប្រទេសចិន និងការដែលទៅរៀនជ័យថាវីជាមួយគ្នាមិនលុះថ្ងៃ រៀងរាល់ថ្ងៃច័ន្ទ ពុធ សុក្រ !

ពួកយើងក៏បានបែ.កគ្នាត្រឹមចុងឆ្នាំទី ១ទៅ សូម្បីតែ ហ្វេប៊ុករីកា ក៏បាត់តាំងតែពីពេលនោះមក ស្ទើរតែមិនឃើញ active ! … រហូតមកដល់ប៉ុន្មានថ្ងៃមុននេះ រីកាបាន Add Friend មកខ្ញុំ អារម្មណ៍ខ្ញុំដែលជាមិត្រចាស់របស់រីកា ខ្ញុំពិតជារំភើបបំផុត ដែលមានវត្តមានរីកាសារជាថ្មី ដែលហាក់មិននឹកស្មានថា ជាពេលវេលាចុងក្រោយដែលរីកាចំណាយជាមួយពួកយើងដែលជាមិត្តភក្តិទាល់តែសោះ !

ព្រះអាទិត្យរះមកព្រឹកនេះ ទាញមកនូវដុំពពកខ្មៅមួយធំមកបាំងបិទភ្នែកខ្ញុំ ធ្វើឲ្យខ្ញុំហាក់មិនទទួលបានពន្លឺទាល់តែសោះ ដែលពពកនោះវាបានផាត់យកមនុស្សម្នាក់ដែលជាទីស្រឡាញ់នៃអ្នកផងទាំងពួង ឲ្យឃ្លាតចាកទៅកាន់ទីឋានដ៏សែនឆ្ងាយគ្មានថ្ងៃត្រឡប់ ! ខ្ញុំពិតជាមានភាពសោកស្តាយបំផុត ដែលមនុស្សល្អដូចរីកាចាកចេញពីពួកយើងទៅ សូម្បីតែពាក្យលាមួយម៉ាត់ក៏រីកាមិនបានលា !

រីកានៅតែជាការចងចាំរបស់ពួងយើង និងនៅតែជាបញ្ញាវន្តឆ្នើមមួយរូបក្នុងក្រអៅដួងចិត្តពួកយើង ! សូមឲវិញ្ញាណក្ខន្ធរីកាទៅកាន់ទីឋានបរមសុខ !កញ្ញា គួច ជា ដារីកា ដែលជានិស្សិតថ្នាក់បរិញ្ញាបត្រ សិក្សានៅសាកលវិទ្យាល័យធានជីង ទីក្រុងធានជីង ប្រទេសចិនដែលបានទទួលអ.និ.ច្ច.កម្ម នៅថ្ងៃចន្ទ ៧កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣ ខែកញ្ញា ឆ្នាំ២០២១ វេលាម៉ោង ៤៖៤០ នាទីព្រឹក នៅក្នុងជន្មាយុ ២២ឆ្នាំ ដោយរោ.គា.ពា.ធ ! 25/ធ្នូ/1999 - 13/កញ្ញា/2021

ខ្ញុំពិតជាទទួលយកមិនបានទេ ទើបតែឆាតជាមួយគ្នា6ថ្ងៃមុនសោះ។@Kulina_I will remeber your nickname. ទោះបីជាស្គាល់គ្នាក្នុងរយៈពេលខ្លី ប៉ុន្តែពេលវេលាដែលនៅជាមួយគូលីណាពិតជារីករាយខ្លាំងណាស់។ សូមទៅអោយបានសុខ។